Ray Anthony: Þurfum að vinna úr þessu á æfingasvæðinu

Grindavík fékk mark á sig í lok fyrri hálfleik eftir að hafa varist allan hálfleikinn.



„Markmiðið er að fá ekki mark á okkur og reyna að þrauka út leikinn en við höfum átt í svolitlum erfiðleikum með það. Við þurfum bara að vinnu úr þessu á æfingasvæðinu.“



Grindavík átti í miklu basli með Þór/KA.



„Það vantaði grimmdina í seinni boltann, það var alltaf eins og boltinn væri að detta fyrir Þór/KA. Þór/KA er náttúrulega með hörkulið og eru mjög grimmar í návígi og við vorum aðeins undir þar í dag.“



Það eru erfiðir leikir framundan hjá Grindavík en þær mæta Breiðblik, Val og Stjörnunni í næstu leikjum.



„Það er alltaf gaman að spila við sterkustu liðin og manni langar það alltaf þannig það verður bara gaman að takast á við það.“



Grindavík er í sjöunda sæti með 9 stig eftir 10 umferðir.



„Maður er alltaf jafn gráðugur, ég væri alveg til í fleiri stig en við erum ennþá á réttri braut. Við ætlum að halda okkur uppi það er markmiðið.“



Viðtalið má sjá í heild sinni í sjónvarpinu hér að ofan.