Frakkland: Marseille með heimasigur

Marseille lyfti sér upp í fimmta sæti frönsku úrvalsdeildarinnar í kvöld er liðið mætti Bordeaux í sjöundu umferð deildarinnar.

Marseille hafði gert heil þrjú jafntefli í síðustu leikjum sínum en komst aftur á sigurbraut með heimasigri í dag.

Heimamenn höfðu betur með þremur mörkum gegn einu þar sem Florian Thauvin, fyrrum leikmaður Newcastle, komst á blað.

Bordeaux hefur verið í smá basli og er með níu stig í tíunda sæti deildarinnar, þremur stigum á eftir Marseille.