Spánverjinn sem Liverpool er að kaupa líkari Díaz en Salah

„Iraola er þekktur fyrir að þróa unga leikmenn og umboðsmenn Munoz telja að það henti leikmanninum vel. Liverpool kláraði læknisskoðunina í Bandaríkjunum í gær," segir Keith.

„Liverpool er að fá gríðarlega spennandi, fjölhæfan kantmann af gamla skólanum. Hann er lágvaxinn, snöggur, beinskeyttur og óhræddur við að takast á við menn einn gegn einum."

Hann er réttfættur og var oftast notaður vinstra megin hjá Osasuna en getur líka notað vinstri fótinn og hefur sjálfur sagt að sér líði vel í öllum sóknarstöðum. Hans augljósasta vopn er hraðinn.

Keith segir að hann sé líkari Luis Díaz en Mo Salah.

„Liverpool fyllti aldrei skarð Luis Díaz þegar hann yfirgaf Bayern München síðasta sumar. Munoz er ekki að koma í stað Mohamed Salah. Hann er frekar fenginn í stað Díaz einu ári eftir brotthvarfið. Liverpool heldur áfram að eltast við Yan Diomande, leikmann RB Leipzig, sem er á HM með Fílabeinsströndinni," segir Keith.

Munoz var með sjö mörk og fimm stoðsendingar í 36 leikjum fyrir Osasuna á liðnu tímabili. Hann kom til félagsins eftir að hafa aðeins fengið fjóra aðalliðsleiki með Real Madrid. Honum var kastað í sviðsljósið hjá Osasuna og blómstraði þó liðið hafi átt í erfiðleikum og forðaðist fall með naumindum.

Auk þess að hafa verið hjá Real Madrid þá var hann á sínum tíma í La Masia akademíu Barcelona. Hann skoraði í sínum fyrsta landsleik með Spáni, í 3-0 sigri gegn Serbíu, og heillaði landsliðsþjálfarann Luis de la Fuente innan og utan vallar.