Friðgeir Bergsteinsson og Sveinn Ásgeirsson úr Tólfunni, stuðningsmannasveit íslenska landsliðsins, eru mættir til Rotherham.
Þeir ætla að syngja sig hása á vellinum í kvöld þegar Ísland mætir Frakklandi í lokaleik sínum í riðlakeppni EM. Ísland er með örlögin í höndum sér og fer áfram í átta-liða úrslitin með sigri. Jafntefli eða tap gæti dugað en þá verðum við að treysta á hagstæð úrslit í leik Belgíu og Ítalíu sem fer fram á sama tíma.
Þeir ætla að syngja sig hása á vellinum í kvöld þegar Ísland mætir Frakklandi í lokaleik sínum í riðlakeppni EM. Ísland er með örlögin í höndum sér og fer áfram í átta-liða úrslitin með sigri. Jafntefli eða tap gæti dugað en þá verðum við að treysta á hagstæð úrslit í leik Belgíu og Ítalíu sem fer fram á sama tíma.
Lestu um leikinn: Ísland 1 - 1 Frakkland
Aðrir meðlimir Tólfunnar voru á fyrstu leikjum liðsins í riðlinum, en Sveinn og Friðgeir mættu til Englands í gær og ætla að láta vel í sér heyra í kvöld.
Þeir eru virkilega ánægðir með stuðninginn við liðið hingað til á mótinu.
„Við erum bestu stuðningsmenn í heimi held ég," sagði Friðgeir í viðtalinu.
„Við ætlum að hafa gaman að þessu og styðja stelpurnar því þær eiga það virkilega skilið."
Það er mikill hiti í Rotherham þessa stundina og ofhitnaði upptökutækið á meðan viðtalinu stóð. Því stoppaði viðtalið snemma, en undir lokin voru þeir spurðir hvernig leikurinn myndi fara. Þeir eru báðir bjartsýnir og spá því að Ísland geti unnið Frakkland. Sveinn spáði 1-0 sigri og Friðgeir spáði 2-0 sigri Íslands.
Athugasemdir