Úrvalslið umferða 1-9 í Bestu deild kvenna

Í úrvalsliðinu eru þrír fulltrúar Breiðabliks sem situr á toppi deildarinnar í hléinu. FH er í öðru sæti deildarinnar og á einnig þrjá fulltrúa. Svo á Stjarnan tvo leikmenn og Grindavík/Njarðvík, ÍBV, Þróttur og Víkingur eiga öll einn leikmann.

Besti leikmaðurinn: Hrafnhildur Ása Halldórsdóttir (Breiðablik)
Það höfðu margir trú á því að Ása myndi taka næsta skref eftir að hún átti stórkostlegt undirbúningstímabil og það hefur hún svo sannarlega gert. Hefur leitt sóknarlínu toppliðsins og skorað sex mörk í níu leikjum.

Efnilegust: Ingibjörg Magnúsdóttir (FH)
Hefur tekið við keflinu af Thelmu Karen Pálmadóttur sem fór í atvinnumennskuna. Ef Ingibjörg heldur áfram að spila eins og hún hefur verið að gera, þá er ekki langt í það að hún fari líka í atvinnumennsku.

Þjálfarinn: Ian Jeffs (Breiðablik)
Fékk mikið breytt Blikalið í hendurnar og skilar þeim á toppinn eftir níu leiki. Það hafa komið hikst hér og þar en heilt yfir hefur Breiðablik leikið vel í sumar og taflan sýnir það.