02.07.26 - 22:08
Brynjar Ingi Erluson
Óskar Hrafn: Skrítnustu fimmtán mínútur sem ég hef séð
Auglýsing
Mynd: Fótbolti.net - Haukur Gunnarsson
Mynd: Fótbolti.net - Haukur Gunnarsson
„Þessar fyrstu fimmtán mínútur leiksins eru þær skrítnustu sem ég hef lent í bæði á stuttum ferli sem leikmaður og sem þjálfari, og hafandi horft á fjölmarga leiki hef ég ekki séð aðra eins hluti gerast hjá sama liðinu á eins stuttum tíma,“ sagði Óskar Hrafn Þorvaldsson, þjálfari KR, eftir 3-3 jafnteflið gegn Þór í Bestu deildinni í kvöld.
Lestu um leikinn: Þór 3 - 3 KR
KR-ingar lentu 3-0 undir á innan við fimmtán mínútum á Akureyri, sem kom verulega á óvart.
Ágúst Eðvald Hlynsson kom Þór yfir eftir slaka sendingu til baka, annað markið kom beint úr hornspyrnu og það þriðja skoraði Aron Birkir Stefánsson, markvörður Þórs, af eigin vallarhelmingi.
Óskar segir að þrátt fyrir þessa martraðarbyrjun hafi hann verið ánægður með karakterinn sem KR-liðið sýndi.
„Við erum að elta leikinn í 75 mínútur. Þetta var erfitt í fyrri hálfleik, erfiður vindur en lagaðist aðeins í seinni og lægði. Ég veit ekki hvort það hjálpaði Þórsurunum eitthvað en þetta var þolinmæðisvinna. Þegar öllu er á botninn hvolft að hafa lent 3-0 undir er ekki hægt að kvarta yfir því að ná í stig.“
„Undanskildnar þessar fimmtán mínútur voru yfirburðirnir miklir en Þórsararnir voru komnir í 3-0, lögðust niður og reyndu að verjast. Ég er bara ánægður með þetta stig út frá því hvernig leikurinn þróaðist og gríðarlega ánægður með karakterinn. Það hefði verið auðvelt að leggjast niður eftir þessa byrjun en við gerðum það ekki.“
„Þetta er allt lærdómur og höfum ekki lent í þessu áður, en við finnum það og sýnum það að sama hversu ömurleg, erfið og vond staðan er þá getum við alltaf fundið leiðir. Ef þú heldur áfram að leggja þig fram, trúa og treysta á samherja þá er hægt að grafa sig úr holu sama hversu djúp hún er orðin. Það er mikilvægt að hafa það með sér í pokahorninu þegar við förum í seinasta hluta tímabilsins,“ sagði Óskar um leikinn.
Hann fór einnig yfir frammistöðu Sigurpáls Sören Ingólfssonar, sem var að leika sinn fyrsta deildarleik á tímabilinu, óvæntu markmannsskiptin og margt fleira í spilaranum hér fyrir ofan.
Ágúst Eðvald Hlynsson kom Þór yfir eftir slaka sendingu til baka, annað markið kom beint úr hornspyrnu og það þriðja skoraði Aron Birkir Stefánsson, markvörður Þórs, af eigin vallarhelmingi.
Óskar segir að þrátt fyrir þessa martraðarbyrjun hafi hann verið ánægður með karakterinn sem KR-liðið sýndi.
„Við erum að elta leikinn í 75 mínútur. Þetta var erfitt í fyrri hálfleik, erfiður vindur en lagaðist aðeins í seinni og lægði. Ég veit ekki hvort það hjálpaði Þórsurunum eitthvað en þetta var þolinmæðisvinna. Þegar öllu er á botninn hvolft að hafa lent 3-0 undir er ekki hægt að kvarta yfir því að ná í stig.“
„Undanskildnar þessar fimmtán mínútur voru yfirburðirnir miklir en Þórsararnir voru komnir í 3-0, lögðust niður og reyndu að verjast. Ég er bara ánægður með þetta stig út frá því hvernig leikurinn þróaðist og gríðarlega ánægður með karakterinn. Það hefði verið auðvelt að leggjast niður eftir þessa byrjun en við gerðum það ekki.“
„Þetta er allt lærdómur og höfum ekki lent í þessu áður, en við finnum það og sýnum það að sama hversu ömurleg, erfið og vond staðan er þá getum við alltaf fundið leiðir. Ef þú heldur áfram að leggja þig fram, trúa og treysta á samherja þá er hægt að grafa sig úr holu sama hversu djúp hún er orðin. Það er mikilvægt að hafa það með sér í pokahorninu þegar við förum í seinasta hluta tímabilsins,“ sagði Óskar um leikinn.
Hann fór einnig yfir frammistöðu Sigurpáls Sören Ingólfssonar, sem var að leika sinn fyrsta deildarleik á tímabilinu, óvæntu markmannsskiptin og margt fleira í spilaranum hér fyrir ofan.
