Hvað gerðist í nótt? - Örflagan sem bjargaði Ronaldo og félögum

Ótrúlegar senur áttu sér stað í leik Portúgals og Króatíu í 32-liða úrslitum í nótt. Bæði lið skoruðu í uppbótartíma en mark Króatíu var dæmt af vegna örflögu sem er inn í boltanum.

Portúgal komst í 2-1 í uppbótartímanum en á þrettándu mínútu hans kom Króatía boltanum í netið, Josko Gvardiol skoraði af stuttu færi og allt tryllist af fögnuði. En nokkrum mínútum síðar var markið dæmt af...

Spurningin var: Hafði Igor Matanovic sem fór upp og reyndi að skalla boltann í aðdragandanum snert boltann eða ekki? Ef hann snerti hann þá var þetta rangstaða. Ef hann snerti ekki boltann var þetta ekki rangstaða.

Það er örflaga í HM-boltanum sem skynjar hvort snerting eigi sér stað. Örlítil virkni sást í skynjaranum og því var dæmd rangstaða. Það sást ekki á myndum hvort snerting hafi átt sér stað en örflagan greindi snertingu.

Espen Eskas dómari leiksins var sendur í skjáinn til að skoða atvikið og var honum sýnt línurit þar sem smá bunga sýndi að það hefði verið órlítil snerting. Því var markið dæmt af og Portúgal fór áfram! Ein stærsta VAR ákvörðun sögunnar.