Það er komin stemning í stuðningsmenn Íslands sem eru mættir til Rotherham til að fylgjast með Íslandi spila gegn Frakklandi í lokaleik riðilsins á EM í kvöld.
Mist Rúnarsdóttir er bjartsýn fyrir leiknum.
„Við erum í fínni stöðu og það er kominn tími á að vinna Frakkana og ég held að við gerum það bara. Fólk er eitthvað að tala um að þetta sé ekki í okkar höndum því við eigum ekki að vinna Frakkana, það er bara bull, ég man vel þegar við unnum þær á Laugardalsvelli og fyrir fimm árum gerðum við ansi vel á móti þeim," sagði Mist.
Það getur allt gerst í kvöld og það þarf að fylgjast vel með gangi mála í viðureign Belgíu og Ítalíu, ætlar þú að fylgjast með honum í símanum?
„Ég ætla bara að vera öskra og reyna að gefa einhverja orku inn á völlinn ef það er mögulega hægt, ætli ég láti ekki einhvern annan um að vera í símanum," sagði Mist.
Athugasemdir
