Þýska félagið Wolfsburg vann Sand 1-0 í fyrstu umferð þýsku deildarinnar í dag en Wolfsburg er ríkjandi meistari.
Íslenska landsliðskonan Sara Björk Gunnarsdóttir spilar með Wolfsburg en hún lék allan leikinn í dag.
Pernille Harder gerði eina mark leiksins á 48. mínútu en Sand lenti í 8. sæti deildarinnar á síðasta tímabili.
Wolfsburg ætlar sér stóra hluti á komandi tímabili en liðið komst í úrslitaleik Meistaradeildar Evrópu á síðasta ári.
Liðið vann þá Meistaradeildina árin 2013 og 2014 og komst einnig í úrslitaleikinn árið 2016 en tapaði fyrir Lyon sem hefur verið áskrifandi af bikarnum síðustu fjögur árin.
Athugasemdir