Ole Gunnar Solskjær, stjóri Manchester United, segir að stjórastarf United sé ekki of stórt fyrir sig og að hann hafi trú á því að hann geti snúið gengi liðsins við.

United fer inn í helgina í 12. sæti, fimmtán stigum á eftir toppliði Liverpool en liðin mætast á sunnudag.

„Nei, mér hefur aldei fundist þetta starf of stórt fyrir mig. Ég hef fulla trú á því sem við erum að reyna að gera, ég og starfsliðið," segir Solskjær.

„Það er samt klárt mál að við þurfum að fara að vinna leiki, við þurfum að fara að skora fleiri mörk."

„Við þurfum að ná að skapa fleiri færi. Varnarleikurinn hefur verið traustur en það hefur vantað upp á ævintýragirnina fram á við. Við þurfum að taka fleiri áhættur."

„Bestu liðin taka fleiri áhættur, taka fleiri hlaup. Þegar sjálfstraustið minnkar þá vilja menn ekki taka áhættur en það er mitt hlutverk að reyna að breyta því."

„Okkur finnst við vera á leiðinni í ákveðna átt en við þurfum úrslitin með og ég býst við því að leikmenn komi út og sýni af hverju þeir eru Manchester United," segir Solskjær.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit