19.04.25 - 19:55
Jóhann Þór Hólmgrímsson
Ítalía: McTominay hetja Napoli gegn botnliðinu
Mynd: EPA
Mynd: EPA
Monza 0 - 1 Napoli
0-1 Scott McTominay ('72 )
0-1 Scott McTominay ('72 )
Napoli vann nauman sigur á útivelli gegn botnliði Monza í ítölsku deildinni í kvöld.
Bæði lið fengu tækifæri í fyrri hálfleik. Napoli byrjaði leikinn betur. Scott McTominay átti skot úr aukaspyrnu sem Stefano Turati, markvörður Monza, varði út í teiginn en hættan leið hjá.
Monza vann sig inn í leikinn og Gaetano Castrovilli gerði hrikalega vel að koma sér inn í teiginn en skot hans fór framhjá.
Matteo Politano, sóknarmaður Napoli, komst einn í gegn eftir tæplega 70 mínútna leik en Turati gerði vel að verja frá honum. Stuttu síðar var Turati hins vegar sigraður.
Giacomo Raspadori átti fyrirgjöf og McTominay var á undan Turati í boltann og skallaði hann í netið og tryggði Napoli stigin þrjú.
Napoli er með 71 stig í 2. sæti, jafn mörg stig og topplið Inter sem á leik gegn Bologna á morgun. Monza er á botninum, 11 stigum frá öruggu sæti þegar fimmtán stig eru eftir í pottinum.
Bæði lið fengu tækifæri í fyrri hálfleik. Napoli byrjaði leikinn betur. Scott McTominay átti skot úr aukaspyrnu sem Stefano Turati, markvörður Monza, varði út í teiginn en hættan leið hjá.
Monza vann sig inn í leikinn og Gaetano Castrovilli gerði hrikalega vel að koma sér inn í teiginn en skot hans fór framhjá.
Matteo Politano, sóknarmaður Napoli, komst einn í gegn eftir tæplega 70 mínútna leik en Turati gerði vel að verja frá honum. Stuttu síðar var Turati hins vegar sigraður.
Giacomo Raspadori átti fyrirgjöf og McTominay var á undan Turati í boltann og skallaði hann í netið og tryggði Napoli stigin þrjú.
Napoli er með 71 stig í 2. sæti, jafn mörg stig og topplið Inter sem á leik gegn Bologna á morgun. Monza er á botninum, 11 stigum frá öruggu sæti þegar fimmtán stig eru eftir í pottinum.
