„Það eru blendnar tilfinningar. Slæmar út af úrslitunum en ég er mjög glaður með viðbrögðin hjá 10 leikmönnum. Það sýndi hjartað í þessu liði. Ef við myndum hugsa eins og taparar hefðum við ekki náð að jafna þennan leik,“ sagði Pedro Hipólito, þjálfari ÍBV eftir 1-1 jafntefli gegn Víkingi í Pepsi Max deild karla.
Lestu um leikinn: ÍBV 1 - 1 Víkingur R.
ÍBV fékk á sig víti þegar Felix Örn Friðriksson togaði niður Guðmund Andra Tryggvason inni í teig. Felix fékk rautt spjald fyrir og hefur sú ákvörðun vakið athygli á samfélagsmiðlum. „Ég held að við höfum gert mistök í vítinu. En áður en að því kom fannst mér við besta liðið á vellinum. Mér fannst þetta ekki rautt spjald af því að þetta var víti. Línuvörðurinn sagði okkur að vegna þess að Felix ýtti peyjanum hafi þetta verið rautt spjald. Ég held að nýju reglurnar séu að ef þetta er víti sé gult spjald en línuvörðurinn segir að vegna þess að hann ýti sé þetta rautt.“
Pedro fór yfir víðan völl í viðtalinu sem sjá má í heild í spilaranum.
Athugasemdir
