Keflavík keypti í vetur Ásbjörn Þórðarson frá KR. Ástbjörn er uppalinn hjá KR en var í leit að fleiri mínútum inn á vellinum og valdi að ganga í raðir Keflavíkur.
Ástbjörn var valinn næstbesti maður vallarins þegar Keflavík vann HK á miðvikudag. Sindri Kristinn Ólafsson, markrvörður Keflavíkur, var til viðtals á Fótbolta.net í gær og var hann spurður út í innkomu Ástbjörns í lið Keflavíkur.
Ástbjörn var valinn næstbesti maður vallarins þegar Keflavík vann HK á miðvikudag. Sindri Kristinn Ólafsson, markrvörður Keflavíkur, var til viðtals á Fótbolta.net í gær og var hann spurður út í innkomu Ástbjörns í lið Keflavíkur.
„Hann spilaði æfingaleik með okkur í vetur, á móti FH sem við unnum. Það kom strax í þeim leik upp moment þar sem ég vildi að hann myndi skrifa undir hjá okkur," sagði Sindri. Hvað var það sem gerðist?
„Vuk Oskar (Dimitrijevic, leikmaður FH) skar sig inn á völlinn og þrumar í andlitið á Ása sem stóð á línunni. Ási harkar það af sér eins og algjör stríðsmaður. Það er kannski eitthvað sem vantaði smá í okkar hóp, þessa stríðsmenningu. Hann er sennilega að fá hana úr Vesturbænum."
„Hann er frábær félagi og hefur einhvern veginn smollið eins og flís við rass, spilað fimm stöður á vellinum og leyst þær allar eins og fagmaður," sagði Sindri um Ástbjörn.
Lestu viðtal við Ástbjörn:
„Sem uppalinn KR-ingur var alltaf markmiðið að festa sig í sessi í liðinu"
Athugasemdir