Forsætisráðherra Kanada hélt ræðu í klefanum

Kanada vann 6-0 sigur gegn Katar á HM í gær en þetta var í fyrsta sinn sem Kanada vinnur leik á heimsmeistaramóti.

Mark Carney, forsætisráðherra Kanada, var á leiknum og sat við hlið Gianni Infantino, forseta FIFA.

Eftir leikinn mætti Carney í búningsklefa kanadíska liðsins og hélt þar ræðu. Hann óskaði leikmönnum til hamingju með sigurinn og þann mikla karakter sem þeir sýndu. Hann sagði að heimurinn hafi verið að horfa, og þeir sem voru ekki að horfa myndu gera það á morgun.

Leikurinn var í Vancouver en sigurinn gerir það að verkum að Kanada er fyrsti gestgjafinn til að skora sex mörk í HM leik síðan Argentína gerði það í 6-0 sigri gegn Perú 1978.