FH vann Gothia Cup

Þessi árgangur FH hefur náð frábærum árangri undanfarin ár og unnið fjölmörg stórmót saman.

FH-ingar unnu riðil sinn sannfærandi með tíu stig og fóru síðan á miklu skriði í gegnum úrslitakeppnina. Þar lögðu þeir Mölnlycke, Ordin FC, Steaua Bucuresti, Esporte Club Panorama og SG Borken að velli áður en þeir mættu Imperial í úrslitaleiknum.

Víkingur Hrafn Þórhallsson skoraði sigurmark FH í úrslitaleiknum og komst á blað í öllum leikjum liðsins í úrslitakeppninni. Hann skoraði alls 18 mörk á mótinu.

Frábær árangur hjá FH-ingum, en hér fyrir neðan má sjá nokkrar myndir sem birtar voru á Instagram-reikningi Gothia Cup.