| mán 19. ágúst 2019 20:52 |
|
England: Pogba misnotaði vítaspyrnu í jafntefli gegn Úlfunum
Neves horfir á eftir boltanum í netið
0-1 Anthony Martial ('27 )
1-1 Ruben Neves ('55 )
1-1 Paul Pogba ('68 , Misnotað víti)
Manchester United mistókst að sigra Wolves þegar liðin mættust í ensku úrvalsdeildinni í kvöld. Paul Pogba klúðraði vítaspyrnu þegar rúmar tuttugu mínútur voru eftir af leiknum.
Anthony Martial skoraði í sínum öðrum leik í röð þegar hann kom Manchester United yfir á 27. mínútu leiksins. Marcus Rashford stakk þá boltanum inn fyrir vörn Úlfanna og Martial stýrði boltanum í netið úr nokkuð þröngu færi.
Manchester United var miklu betra liðið í fyrri hálfleik og hefði getað skorað fleiri mörk. Staðan 0-1 þegar flautað var til hálfleiks.
Ruben Neves jafnaði leikinn þegar tíu mínútur voru liðnar af síðari hálfleik með stórkostlegu marki.
Joao Moutinho renndi þá boltanum út á Neves sem að var búinn að staðsetja sig fyrir utan teig, tók eina snertingu og lét síðan vaða. Boltinn í slánna og þaðan í netið! Stórkostlegt mark og staðan orðin jöfn.
Manchester United fékk vítaspyrnu á 67. mínútu þegar Connor Coady tók Pogba niður í teignum. Jonathan Moss, dómari, ekki í neinum vafa.
Pogba fór sjálfur á vítapunktinn en Rui Patricio gerði sér lítið fyrir og varði spyrnuna.
I knew it!! Why oh why!
— Gary Neville (@GNev2) August 19, 2019
Úlfarnir voru sprækir á lokamínútunum og fengu fín færi til þess að skora sigurmarkið. Allt kom fyrir ekki og leiknum lauk með 1-1 jafntefli.
Manchester United nú komið með fjögur stig á meðan Úlfarnir eru með tvö.
Stöðutaflan
England
Úrvalsdeildin
England
Úrvalsdeildin
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 5 | 5 | 0 | 0 | 15 | 4 | +11 | 15 |
| 2 | Man City | 6 | 4 | 1 | 1 | 24 | 6 | +18 | 13 |
| 3 | Leicester | 6 | 3 | 2 | 1 | 8 | 5 | +3 | 11 |
| 4 | Bournemouth | 6 | 3 | 1 | 2 | 11 | 10 | +1 | 10 |
| 5 | Tottenham | 6 | 2 | 2 | 2 | 12 | 8 | +4 | 8 |
| 6 | Man Utd | 5 | 2 | 2 | 1 | 8 | 4 | +4 | 8 |
| 7 | Burnley | 6 | 2 | 2 | 2 | 8 | 7 | +1 | 8 |
| 8 | Sheffield Utd | 6 | 2 | 2 | 2 | 7 | 6 | +1 | 8 |
| 9 | Chelsea | 5 | 2 | 2 | 1 | 11 | 11 | 0 | 8 |
| 10 | Arsenal | 5 | 2 | 2 | 1 | 8 | 8 | 0 | 8 |
| 11 | West Ham | 5 | 2 | 2 | 1 | 6 | 7 | -1 | 8 |
| 12 | Southampton | 6 | 2 | 1 | 3 | 6 | 9 | -3 | 7 |
| 13 | Crystal Palace | 5 | 2 | 1 | 2 | 3 | 6 | -3 | 7 |
| 14 | Everton | 6 | 2 | 1 | 3 | 5 | 9 | -4 | 7 |
| 15 | Brighton | 6 | 1 | 3 | 2 | 5 | 8 | -3 | 6 |
| 16 | Norwich | 6 | 2 | 0 | 4 | 9 | 14 | -5 | 6 |
| 17 | Newcastle | 6 | 1 | 2 | 3 | 4 | 8 | -4 | 5 |
| 18 | Aston Villa | 5 | 1 | 1 | 3 | 4 | 6 | -2 | 4 |
| 19 | Wolves | 5 | 0 | 3 | 2 | 6 | 10 | -4 | 3 |
| 20 | Watford | 6 | 0 | 2 | 4 | 4 | 18 | -14 | 2 |
Athugasemdir
Nýjustu fréttirnar
