Elías Rafn Ólafsson stóð í markinu í 3-0 tapi íslenska U20 ára landsliðsins gegn Englandi í kvöld en hann var ánægður með að fá spiltímann.

Lestu um leikinn: England U20 3 -  0 Ísland U20

Elías Rafn þykir með efnilegustu markvörðum Íslands en hann hefur staðið sig frábærlega hjá Aarhus Fremad í dönsku C-deildinni á þessu tímabili en hann er á láni frá Midtjylland.

„Það var mjög fínt og mjög gaman að spila og skemmtilegra en að sitja á bekknum. Ég var ekki sáttur með úrslitin og leiðinlegt að tapa," sagði Elías Rafn við Fótbolta.net.

„Fyrri hálfleikurinn var mjög góður. Við spiluðum vel og fengum tvö góð færi og seinni hálfleikurinn mikið af skiptingum, þetta gerist og verður erfiðara."

Er enska liðið mikið betra en það íslenska?

„Mér finnst það ekki. Þeir eru með góða leikmenn en við erum með betri liðsheild."

Það er komið frí í dönsku C-deildinni og er Elías nú á leið til Brasilíu á mót með Midtjylland.

„Við erum í fyrsta sæti í riðlinum okkar og geggjað. Það er komið frí í deildinni og ég er að fara til Brasilíu á mót með Midtjylland," sagði hann ennfremur

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit