Butt við Martínez: Fokking þroskastu

Scholes sagði í hlaðvarpsþættinum The Good, The Bad & The Football fyrir leikinn að Erling Haaland myndi pakka Martínez saman en annað kom á daginn. Martínez hélt norska markahróknum niðri og United vann 2-0 sigur.

„Scholes má segja það sem hann vill. Ég hef sagt við hann að ef hann vill segja eitthvað við mig þá getur hann komið hvenær sem er. Heim til mín eða hvert sem er, mér er alveg sama," sagði Martínez í viðtali eftir leikinn.

Scholes svaraði þessu á Instagram og sagðist þiggja heimboð til Martínez til að fara yfir málin. Þeir Scholes og Butt ræddu þetta svo enn frekar í hlaðvarpinu sínu og þar sagði Butt:

„Við tölum eins og þrír vinir á barnum í þessu hlaðvarpi, við erum ekki að kryfja leikinn á Sky. Að hann hafi tekið þessu svona illa, svarað þessu á þennan hátt og sagt þér að koma heim til hans og svona; Fokking þroskastu," sagði Butt í nýjasta þætti þeirra félaga.

„Ef einhver umræða hefur svona mikil áhrif á þig áttu ekki að vera hjá risastóru félagi eins og Manchester United."

Nicky Butt’s response to Lisandro Martinez’s comments about him following the Manchester derby…

[@goodbadftblpod] pic.twitter.com/STlElZFU8p

— george (@StokeyyG2) January 19, 2026