Hildur Katrín: Erum núna ekki alveg í jafn mikilli fallbaráttu

„Mér fannst við eiga mjög góðan leik og komum til baka þegar við vorum undir og mér fannst við bara góðar í dag" sagði Hildur Katrín Snorradóttir leikmaður Grindavík/Njarðvík en hún skoraði fyrsta mark liðsins í kvöld.

Hildur Katrín vildi meina að sitt lið hefði hreinlega bara viljað þetta meira í kvöld.

„Mér fannst við vera ákveðnari og bara vilja þetta meira og mikil orka"

Það var nýr leikmaður Grindavík/Njarðvík, Santa Sanija Vuskane sem stal senunni í kvöld en hún kom inn á sem varamaður og skoraði þrennu fyrir sitt lið í kvöld.

„Maður var ekki að búast við því en hún er bara geggjuð. Loksins kom einhver leikmaður sem gat skorað"

Þessi sigur gefur Grindavík/Njarðvík mikið fyrir framhaldið.

„Við erum núna ekki alveg í jafn mikilli fallbaráttu, erum komnar í fimmta sætið held ég þannig það var miög gott að vinna"

Mikilvægasti leikur tímabilsins til þessa hjá Grindavík/Njarðvík er um næstu helgi þegar liðið leikur í undanúrslitum Mjólkurbikarsins gegn Fram.

„Ég er mjög spennt og bara allt liðið er mjög spennt. Allir að mæta og styðja okkur til sigurs"  sagði Hildur Katrín Snorradóttir.