Albert Guðmundsson byrjaði á miðjunni er AZ Alkmaar tók á móti PSV Eindhoven í stórleik í hollenska boltanum.

Jesper Karlsson kom AZ yfir snemma leiks og leiddu heimamenn í leikhlé.

Alberti var skipt útaf á 66. mínútu og tveimur mínútum síðar tvöfaldaði Teun Koopmeiners forystuna.

PSV fékk fín færi en tókst ekki að koma knettinum í netið svo lokatölur urðu 2-0.

AZ og PSV eru jöfn með 55 stig í 2-3. sæti deildarinnar, langt á eftir toppliði Ajax.