John er á sínu sjötta tímabil með Víking.
Heyrst af áhuga erlendis frá á Lindu Líf.
Þremur stigum frá öruggu sæti.
„Liðið reyndi sitt besta, gaf allt sem það átti í leikinn. Við viljum þakka félaginu fyrir að fljúga okkur norður. Óheppni, nokkur mistök, nokkur atvik sem erfitt er að kyngja. Stóran hluta leiksins fannst mér við frábærar," sagði John Andrews, þjálfari Víkings, eftir tap gegn Þór/KA í 10. umferð Bestu deildarinnar.
„Þú gætir talað um einstaklingsmistök, en við lifum og deyjum sem lið, ef einhver gerir mistök þá geri ég það líka, gerum þetta sem lið."
„Þú gætir talað um einstaklingsmistök, en við lifum og deyjum sem lið, ef einhver gerir mistök þá geri ég það líka, gerum þetta sem lið."
Lestu um leikinn: Þór/KA 4 - 1 Víkingur R.
„Við spilum eftir ákveðnum reglum en fylgdum þeim ekki í 2-1 markinu. Þær vinna seinni bolta eftir að boltinn fer í slána, erfitt að tala um að eitthvað hafi farið úrskeiðis, viljinn til að skora mark varð ofan á."
John var heilt yfir ánægður með leik liðsins en það vantaði upp á færanýtinguna að hans mati í leiknum.
Víkingur er í næstneðsta sæti með sjö sitg eftir tíu umferðir, þremur stigum frá Tindastóli í sætinu fyrir ofan.
„Við höldum áfram að vinna í okkar hlutum. Það er engin neikvæðni hjá okkur, við erum vonsvikin að tapa á Akureyri, þangað erum við komin sem lið. Fyrir nokkrum árum hefðum við bara tekið því, núna finnst okkur við vera á pari við þessi lið og tilfinningin er ekki góð. Við þurfum að breyta 1-2 hlutum, kannski fá inn 1-2 leikmenn og þá gætu úrslitin breyst."
Hefur John áhyggjur af sínu starfi?
„Nei, nei alls ekki. Ég hef aldrei áhyggjur af neinu, þetta er fótbolti og við gerum okkar besta. Það er ekki mitt að ákveða með mitt starf, en ég elska það sem ég geri, elska þá sem ég vinn með. En ég hef ekki áhyggjur."
Hann var spurður út í muninn á liðinu núna í ár og því liði sem náði 3. sæti á síðasta tímabili. Svarið má sjá í spilaranum efst. Hann var líka spurður út í næstu vikur og komandi glugga. Hann vill að leikmenn hvílist vel, markmiðið er að snúa gengingu við eftir EM hlé.
„Það væri barnalegt að hugsa að við þyrftum ekki liðsstyrk, við höfum misst mikið úr hópnum og ég held við þurfum 1-2 leikmenn inn. Við misstum Selmu og BIrtu, það er ekki hægt að fylla í þeirra skörð með krökkum. Ungir leikmenn munu fá tækifæri, en við þurfum gæði til að hjálpa þeim sem fyrir eru að ná þessu yfir línuna."
Viðtalið var orðið það langt að minniskortið var orðið fullt þegar kom að lokaspurningunni en þar var John spurður út í áhuga erlendis frá á Lindu Líf Boama en fréttamaður fékk ábendingu um fyrirspurn erlendis frá fyrr í dag. John sagðist ekki hafa heyrt af því. Linda lagði upp mark Víkings í leiknum.
Besta-deild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 18 | 16 | 1 | 1 | 77 - 15 | +62 | 49 |
| 2. FH | 18 | 12 | 2 | 4 | 44 - 21 | +23 | 38 |
| 3. Þróttur R. | 18 | 11 | 3 | 4 | 34 - 22 | +12 | 36 |
| 4. Valur | 18 | 8 | 3 | 7 | 30 - 27 | +3 | 27 |
| 5. Víkingur R. | 18 | 8 | 1 | 9 | 40 - 39 | +1 | 25 |
| 6. Stjarnan | 18 | 8 | 1 | 9 | 31 - 36 | -5 | 25 |
| 7. Þór/KA | 18 | 7 | 0 | 11 | 31 - 41 | -10 | 21 |
| 8. Fram | 18 | 7 | 0 | 11 | 24 - 43 | -19 | 21 |
| 9. Tindastóll | 18 | 5 | 2 | 11 | 22 - 44 | -22 | 17 |
| 10. FHL | 18 | 1 | 1 | 16 | 11 - 56 | -45 | 4 |
Athugasemdir
