3. deild: KF komið á flug eftir erfiða byrjun

KF fór í gegnum fyrstu sex leiki tímabilsins án sigurs, sem getur oft sett sitt mark á leikmenn og lið. Það virðist hins vegar ekki eiga við um KF.

Liðið er nú komið á frábært skrið. Jakob Auðun Sindrason skoraði tvívegis eftir föst leikatriði og Thomas Lamaille gerði þriðja markið þegar hann komst inn í slaka sendingu heimamanna, keyrði í gegn og afgreiddi Augnablik.

KF hefur þar með unnið þrjá leiki í röð og er taplaust í síðustu fjórum leikjum sínum. Liðið er í fimmta sæti með 12 stig en Augnablik er í sjöunda sæti með 11 stig.

KV vann þá stórkostlegan 3-2 endurkomusigur á Sindra. Heimamenn komust í tveggja marka forystu á rúmum hálftíma, en Samúel Már Kristinsson gaf gestunum von með marki undir lok fyrri hálfleiks.

Gunnar Magnús Gunnarsson jafnaði metin strax í upphafi síðari hálfleiks og þegar aðeins fjórar mínútur voru eftir varð dramatíkin algjör. Jóhannes Adolf Gunnsteinsson, leikmaður Sindra, varð þá fyrir því óláni að setja boltann í eigið net.

Ótrúleg endurkoma hjá KV, sem þurfti svo sannarlega á sigrinum að halda eftir þrjú töp í röð. KV er í sjötta sæti með 12 stig en Sindri er í tíunda sæti með átta stig.

Úrslit og markaskorarar:

Augnablik 1 - 3 KF
0-1 Jakob Auðun Sindrason ('31 )
1-1 Guðmundur Andri Ólason ('37 )
1-2 Jakob Auðun Sindrason ('48 )
1-3 Thomas Lamaille ('87 )

Sindri 2 - 3 KV
1-0 Eiður Snorri Bjarnason ('19 , sjálfsmark)
2-0 Patrekur Máni Ingólfsson ('32 )
2-1 Samúel Már Kristinsson ('40 )
2-2 Gunnar Magnús Gunnarsson ('47 )
2-3 Jóhannes Adolf Gunnsteinsson ('86 , sjálfsmark)