Sterkasta lið 10. umferðar - Eitt það óvæntasta í sumar

Ída Marín Hermannsdóttir sýndi bestu frammistöðu sumarsins til þessa þegar hún skoraði fimm mörk í mögnuðum 7-3 sigri FH gegn Þrótti. Systir hennar, Thelma Lóa, átti eining frábæran leik en þetta er í annað sinn í sumar þar sem þær systur eru saman í liði umferðarinnar.

Þór/KA er að komast í gang en þær unnu 1-0 sigur á Grindavík/Njarðvík. Arna Sif Ásgrímsdóttir var sem klettur í vörninni og Hildur Anna Birgisdóttir lék vel á miðsvæðinu.

Þá spiluðu hinar bandarísku Allison Grace Lowrey og Avery Mae Vanderven mjög vel í sigri ÍBV á Víkingi sem er í vandræðum.

Valur og Stjarnan gerðu jafntefli í síðasta leik umferðarinnar þar sem Margrét Brynja Kristinsdóttir og Þóra María Hjaltadóttir voru bestu leikmenn vallarins.