Guðrún Karitas í leik með ÍA fyrr í sumar.
,,Mér fannst við spila mjög vel. Við ætluðum að halda vel og ekki pressa mikið en mér fannst við ná að vinna boltann betur en við höfum gert síðustu leiki," sagði Guðrún Karítas Sigurðardóttir framherji ÍA eftir 0-1 tap gegn Fylki í Árbænum í kvöld.
Lestu um leikinn: Fylkir 1 - 0 ÍA
ÍA liðið dreifði spilinu vel í kvöld og sótti hratt á Fylkisliðið.
,,Við breyttum um taktík og höfðum einn fyrir aftan og ætluðum að reyna að sækja meira út á kantana," sagði hún en hvað vantaði uppá?
,,Bara að klára færin og skjóta á Þóru."
ÍA sem eru nýliðar í deildinni eru án stiga eftir fyrstu 10 umferðirnar.
,,Það er mjög sárt og leiðinlegt að vera ekki búnar að fá stig. Við erum búnar að tapa 3-2 og 1-0 núna og eigum helling í þessum leikjum."
Athugasemdir
