„Þetta er pínu skrítið. Ég var búinn að bíða eftir þessum leik og þetta var pínu eins og fyrsti leikurinn aftur! Ég var með smá fiðring í maganum og morguninn var lengi að líða. En mér finnst þetta vera rétt ákvörðun og mér líður vel með hana,'' sagði Ármann Pétur Ævarsson eftir sinn síðasta meistaraflokksleik. Hann spilaði 96 mínútur í 0-0 jafntefli gegn Magna í Inkasso deild karla í dag.

Lestu um leikinn: Þór 0 -  0 Magni

„Það er kannski partur af þessu, hann er kannski ekki frábær,'' sagði Ármann þegar hann var spurður útí ástandið á sér eftir leikinn. Hann hélt áfram: „Hann hefur kannski ekki verið það í sumar og maður vill geta leikið sér í framtíðinni, þannig að maður sé ekki alveg handónýtur eftir ferilinn!''

Spurður út í hápunktana á ferlinum sagði Ármann: „Það er rosalega margt. Evrópukeppnin. Bikarúrslitin, ömurlegt að tapa því en stemningin var alveg ólýsanleg sem við fengum frá okkar fólki. Svo er það bara að fara uppí Pepsi deild og spila á móti þeim bestu á landinu. Og bara að reyna að rífa þetta á aðeins hærri standard.''

Viðtalið má sjá í heild sinni í spilaranum hér að ofan.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit