Malen, Maguire, Rashford, Greenwood, Yoro, Eriksen og fleiri góðir í slúðri dagsins
   þri 21. september 2021 11:35
Sæbjörn Þór Þórbergsson Steinke
Leiknismenn eru ekkert hættir
Liðsmynd fyrir síðasta heimaleikinn
Liðsmynd fyrir síðasta heimaleikinn
Mynd: Haukur Gunnarsson
Leiknir mætir Víkingi í lokaumferð Pepsi Max-deildarinnar, áætlað er að lokaumferðin fari fram klukkan 14:00 á laugardag.

Með sigri Víkings verður Víkingur Íslandsmeistari en liðið er í toppsæti deildarinnar fyrir lokaumferðina. Leiknir er versta útivallarlið deildarinnar, hefur einungis náð í tvö stig í tíu leikjum á útivelli í sumar.

Leiknir verður áfram í efstu deild en það var ljóst á sunnudag þegar ÍA lagði Fylki.

Sigurður Heiðar Höskuldsson, þjálfari Leiknis, var til viðtals á sunnudag eftir tapleik gegn Keflavík og var hann spurður út í leikinn í síðustu umferð.

„Við eigum ennþá eftir að vinna útileik, við erum sárir og svekktir að hafa ekki unnið þennan leik í dag. Ég finn það á mannskapnum á æfingasvæðinu að við erum ekkert hættir þó að það sé einn leikur eftir. Við ætlum að enda þetta vel," sagði Siggi.

Viðtalið var tekið áður en ljóst var að Víkingur yrði í toppsætinu fyrir lokaumferðina.
„Gjörsamlega ótrúlegt að við fáum ekki allavega tvö víti í dag"
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner