Venni: Gæti verið liðband í hné

„Ég held að það hafi verið sanngjarnt að við höfum náð að jafna þó að markið hafi komið mjög seint. Nánast allan leikinn, en sérstaklega í seinni hálfleik, þá liggja þeir í vörn og við erum að reyna að brjóta þá sem var mjög erfitt. Vestri er virkilega vel skipulagt lið og þeir reyndu að stoppa götin og gerðu það vel og fá fyrir það eitt stig.''

Sigurður Egill fór snemma af velli eftir meiðsli á hné en hann virtist sárþjáður. 

„Leikurinn var nú bara að klárast svo ég er ekki með greiningu á honum en ég er pínulítið hræddur um að þetta gætu verið einhverjar vikur. Þetta gæti verið liðband í hné. Ég hef ekki heyrt nákvæmt update frá sjúkrateyminu en mig grunar að þetta sé það.''

Eftir ellefu umferðir er Þróttur á toppi Lengjudeildarinnar en hvernig metur Venni þessa fyrri umferð mótsins?

„Ég get auðvitað ekki kvartað að hafa endað fyrri umferðina á toppnum, það er samt nokkrir leikir sem við hefðum viljað geta gert betur í. Í heildina hef ég ekkert að kvarta yfir varðandi frammistöðu, leikmennirnir eru ógeðslega duglegir og vinna alltaf vinnuna sína. En fyrri umferðin er auðvitað ekki nóg og við þurfum að leggja hart af okkur til að ná markmiðum okkar.''