Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fim 21. nóvember 2019 19:10
Guðmundur Aðalsteinn Ásgeirsson
Bose-mótið: Jafnt í Kópavogi - Víkingur burstaði Gróttu
Kaj Leó skoraði fyrir Val.
Kaj Leó skoraði fyrir Val.
Mynd: Hulda Margrét
Það fóru fram tveir leikir í Bose-mótinu í kvöld. Valsmenn fóru á Kópavogsvöll og gerðu þar jafntefli við Breiðablik í markaleik.

Guðjón Pétur Lýðsson kom Blikum yfir gegn sínu gamla félagi, en fyrir leikhlé skoruðu bæði lið sjálfsmörk; staðan 2-1 í hálfleik.

Valur jafnaði í 2-2 er Kaj Leó í Bartalsstovu skoraði laglegt mark. Viktor Karl Einarsson kom Blikum í 3-2, en Valsmenn sýndu karakter og jöfnuðu í 3-3 áður en flautað var til leiksloka. Það var Kári Daníel Alexandersson, fæddur árið 2003, sem skoraði jöfnunarmarkið.

Valur er á toppnum í A-riðli Bose-mótsins með fjögur stig. Breiðablik er með eitt stig eftir tap gegn KA í fyrsta leik.

Í hinum leik kvöldsins burstaði Víkingur lið Gróttu, 4-0. Ágúst Hlynsson, Óttar Magnús Karlsson, Nikolaj Hansen og Ingólfur Sigurðsson skoruðu mörk Víkings. Sá síðastnefndi er á reynslu hjá Víkingum.

Víkingur er með þrjú stig, Grótta er án stiga eftir tap gegn KR í fyrsta leik. Víkingur tapaði gegn FH í fyrsta leik.

Breiðablik 3 - 3 Valur
Mörk Breiðabliks: Guðjón Pétur Lýðsson, Viktor Karl Einarsson og sjálfsmark.
Mörk Vals: Kaj Leó í Bartalsstovu, Kári Daníel Alexandersson og sjálfsmark.

Víkingur R. 4 - 0 Grótta
Mörk Víkings: Ágúst Hlynsson, Óttar Magnús Karlsson, Nikolaj Hansen og Ingólfur Sigurðsson.


Athugasemdir
banner
banner
banner
banner