Sevilla var talsvert betri aðilinn í dag en gestirnir frá Vigo komust í tveggja marka forystu undir lok fyrri hálfleiks þegar Franco Cervi og Iago Aspas skoruðu með stuttu millibili.

Heimamenn gerðu þrefalda skiptingu í hálfleik þar sem Alejandro 'Papu' Gomez og Oliver Torres komu inn af bekknum. Þeim tókst báðum að skora í síðari hálfleik og voru heimamenn óheppnir að gera ekki þriðja markið. Lokatölur 2-2 og Sevilla er þremur stigum eftir toppliði Real Madrid sem á leik til góða.

Sevilla 2 - 2 Celta Vigo
0-1 Franco Cervi ('37)
0-2 Iago Aspas ('40)
1-2 Papu Gomez ('71)
2-2 Oliver Torres ('74)

Villarreal er þá einu stigi frá Meistaradeildarsæti eftir flottan sigur gegn Mallorca.

Heimamenn í Villarreal skoruðu þrjú mörk gegn engu og eru núna einu stigi á eftir Real Sociedad og Atletico Madrid.

Að lokum hafði Cadiz betur gegn Levante í fallbaráttuslag. Cadiz er tveimur stigum frá öruggu sæti eftir sigurinn á meðan Levante situr sem fastast á botninum.

Villarreal 3 - 0 Mallorca
1-0 F. Russo ('12, sjálfsmark)
2-0 Manuel Trigueros ('34)
3-0 Dani Parejo ('87, víti)

Levante 0 - 2 Cadiz
0-1 Alvaro Negredo ('34)
0-2 S. Sanchez ('73)