Páll Viðar: Er stoltur Þórsari í dag - fékk gusu yfir sig

Það var létt yfir Páli Viðari Gíslasyni, þjálfara Þórs, að leik loknum í dag. Þórsarar halda sér uppi eftir sigurinn á ÍA í dag og voru mikil fagnaðarlæti á Þórsvelli þegar úrslit leikjana í dag voru ráðin.

,,Þetta er mikill léttir, þetta er búið að vera mikill öldusjór get ég sagt þér, en sem betur fer höfum við getað haft trú á okkur,\" sagði Páll

,,Ég er afskaplega hamingjusamur að Þór sé í efstu deild að ári,\" sagði Páll að leik loknum.

,,Við héldum hreinu í annað sinn í sumar, það er það jákvæðasta við þetta og leikmenn börðust og lögðu líf og limi undir, knattspyrnulega var þetta ekki okkar besti leikur,\" sagði Páll um frammistöðu sinna manna í dag.