Laporta um Real: Getur bara verið einn hani í búinu

Laporta telur að Real Madrid hafi gert mistök með að vera með alltof margar stórstjörnur í sama liði. Marga menn sem eru með mjög stóra persónuleika og vilja spila alla leiki, sem veldur núningi og ágreiningi innan hópsins.

„Ég sagði það þegar Mbappé fór til Real Madrid. Það virkar ekki að vera með meira en einn hana í hænsnabúi. Það gengur bara ekki upp," segir Laporta.

„Í fótbolta snýst allt um liðsheildina og liðsandann. Verkefnið mun aldrei ganga upp ef þessir hlutir eru ekki í lagi. Þetta er einn af styrkleikum Barcelona, við erum með frábæra leikmenn í hópnum en þeir eru allir að spila fyrir liðið. Þeir ná vel saman og liðið er alltaf í forgangi framyfir einstaklinginn.

„Það er að stórum hluta Hansi Flick og Deco að þakka, þeir eru frábærir í störfum sínum sem þjálfari og yfirmaður fótboltamála."