Sessegnon verður áfram hjá Fulham (Staðfest)

Sessegnon er 25 ára gamall og kemur úr akademíu Fulham. Hann var álitinn einn efnilegasti leikmaður sinnar kynslóðar áður en hann gekk í raðir Tottenham árið 2019.

Þar náði hann aldrei að lifa upp til þeirra væntinga sem gerðar voru til hans og fór það svo að hann yfirgaf félagið á frjálsri sölu árið 2024 og gekk aftur í uppeldisfélagið.

Á þessu tímabili hefur hann komið að fimm mörkum í 26 úrvalsdeildarleikjum, en félagið er afar ánægt með frammistöðu hans og hefur nú virkjað ákvæði um að framlengja samning hans út næsta tímabil.

„Ég er auðvitað í skýjunum enda er þetta félagið sem ég hef alltaf viljað spila fyrir. Mér líður vel hjá félaginu og er ánægður með dvöl mína, bæði á síðasta tímabili og þessu, og núna vil ég að við klárum tímabilið af krafti,“ sagði Sessegnon við FFCTV.

Fulham er í 12. sæti deildarinnar með 45 stig, aðeins þremur stigum frá Evrópusæti.

Contract extended. ????

Ryan Sessegnon's deal will now run until the end of the 2026/27 season!

— Fulham Football Club (@FulhamFC) April 22, 2026