Það fóru tveir leikir fram í ítalska boltanum í dag þar sem ríkjandi meistarar Inter gerðu sex marka jafntefli við Bologna í fjörugum slag.
Besti leikmaður ítölsku deildarinnar á tímabilinu, Federico Dimarco, kom Inter yfir í fyrri hálfleik en Federico Bernardeschi og Tommaso Pobega snéru stöðunni við fyrir leikhlé. Heimamenn í Bologna komust í 3-1 með sjálfsmarki Piotr Zielinski í upphafi síðari hálfleiks og þurftu Ítalíumeistararnir að skipta um gír.
Þeir sköpuðu nokkur góð færi og nýttu tvö þeirra til að jafna metin. Fyrst minnkaði Francesco Pio Esposito muninn áður en Andy Diouf jafnaði metin á lokamínútunum. Lokatölur 3-3. Bologna endar tímabilið í áttunda sæti með 56 stig.
Lazio lagði þá fallið lið Pisa að velli í kvöldleiknum. Lokatölur urðu 2-1 og var þetta líklegast kveðjuleikur Maurizio Sarri sem er sagður vera að taka við Atalanta.
Stefano Moreo kom Pisa yfir í Róm en Fisayo Dele-Bashiru og Pedro snéru stöðunni við fyrir leikhlé.
Hvorugu liði tókst að skora í tíðindalitlum síðari hálfleik svo lokatölur urðu 2-1. Lazio endar deildartímabilið í níunda sæti, með 54 stig úr 38 umferðum.
Bologna 3 - 3 Inter
0-1 Federico Dimarco ('22 )
1-1 Federico Bernardeschi ('25 )
2-1 Tommaso Pobega ('42 )
3-1 Piotr Zielinski ('48 , sjálfsmark)
3-2 Pio Esposito ('64 )
3-3 Andy Diouf ('86 )
Lazio 2 - 1 Pisa
0-1 Stefano Moreo ('23 )
1-1 Fisayo Dele-Bashiru ('33 )
2-1 Pedro ('35 )
