Lengjudeildin: Toppliðið í góðum gír

Þróttur fékk HK í heimsókn í Lengjudeildinni í kvöld. Sigurður Egill Lárusson fékk tvö góð færi strax í upphafi leiks en tókst ekki að koma Þrótturum á blað.

Þróttur komst hins vegar yfir eftir stundafjórðung þegar Vilhjálmur Kaldal Sigurðsson skoraði laglegt mark. Magnús Þórðarson var nálægt því að bæta við marki snemma í seinni hálfleik en setti boltann yfir eftir að Ólafur Örn Ásgeirsson varði boltann út í teiginn.

HK fékk góð tækifæri strax í kjölfarið en staðan hélst óbreytt.

Magnús tvöfaldaði forystu Þróttar með góðu skoti eftir sendingu frá Erni Braga Hinrikssyni. HK hefði getað minnkað muninn undir lokin eftir darraðadans inn á teig Þróttar en þeim tókst að koma boltanum frá að lokum.

Nær komust þeir ekki og sigur Þróttar staðreynd. Þróttur er á toppnum með 19 stig, þremur stigum á undan Aftureldingu sem á leik til góða. HK er í 4. sæti með 15 stig.