Byrjunarlið Kanada og Bosníu: Stjörnurnar ekki klárar

Kanada hefur leik á heimavelli á heimsmeistaramótinu í kvöld þegar liðið mætir Bosníu og Hersegóvínu. Leikurinn fer fram í Toronto.

Það eru stór skörð hoggin í bæði lið en stjörnur beggja liða eru að berjast við meiðsli og geta ekki byrjað.

Alphonso Davies, leikmaður Bayern, er meiddur aftan í læri og getur ekki spilað fyrir Kanada. Jonathan David, leikmaður Juventus, er í fremstu víglínu.

Þá er Edin Dzeko, leikmaður Schalke og fyrrum leikmaður Man City, Roma og Inter, ekki klár í að byrja hjá Bosníu þar sem hann hefur verið að kljást við meiðsli á öxl.