Portúgalinn Joao Félix hefur verið valinn besti leikmaður deildartímabilsins í Sádi-Arabíu eftir að Al-Nassr tryggði sér langþráðan deildarmeistaratitil á dögunum.
18.05.2026 08:30
Ronaldo líklegastur til að vera valinn leikmaður tímabilsins
Búist var við að Cristiano Ronaldo yrði krýndur sem besti leikmaður tímabilsins en svo var ekki. Félix var bestur og Ronaldo næstbestur, en þar á eftir komu Rúben Neves, Ivan Toney og Julián Quinones.
Félix skoraði 20 mörk og gaf 13 stoðsendingar á sínu fyrsta deildartímabili í Sádi-Arabíu eftir félagaskipti frá Chelsea í fyrrasumar. Hann fer, ásamt Ronaldo og Neves, með portúgalska landsliðinu á HM í sumar.
Édouard Mendy, fyrrum markvörður Chelsea, var valinn sem besti markvörður tímabilsins fyrir frammistöðu sína með Al-Ahli. Hann hélt 14 sinnum hreinu og fékk aðeins 18 mörk á sig.
Jorge Jesus fráfarandi þjálfari Al-Nassr var valinn besti stjórinn og þá fengu tveir Sádar einnig verðlaun.
Musab Al-Juwayr var valinn besti heimamaður deildarinnar og er Abdulaziz Al-Elewa besti ungi leikmaðurinn.
