Thibaut Courtois ver spyrnuna frá Davies
Thibaut Courtois, markvörður Belgíu, varði vítaspyrnu Alphonso Davies í leik liðsins gegn Kanada á HM í Katar í kvöld.
Kanada fékk vítaspyrnu á 10. mínútu eftir að Yannick Carrasco handlék knöttinn innan teigs.
Dómari leiksins þurfti á hjálp VAR að halda til að úrskurða um það hvort Kanada ætti að fá vítaspyrnu eða ekki og eftir að hafa skoðað atvikið betur var það ljóst að eina í stöðunni var að dæma víti.
Alphonso Davies steig á punktinn fyrir Kanada en Thibaut Courtois sá við honum með góðri vörslu. Stórt hjá markverðinum stóra og stæðilega.
Hægt er að sjá vörsluna hér fyrir neðan.
Svakaleg markvarsla Thibaut Courtois í marki Belga - afar slök spyrna frá Alphonso Davies er gat orðið fyrsti Kanadamaðurinn til að skora mark á HM. pic.twitter.com/c9uTVQ2SKA
— RÚV Íþróttir (@ruvithrottir) November 23, 2022
Það er vítaspyrna í leik Belgíu og Kanada. Kanada getur nú skorað fyrsta mark liðs Kanada á HM. pic.twitter.com/TzzhzQDm2V
— RÚV Íþróttir (@ruvithrottir) November 23, 2022
Athugasemdir
