Maresca talar áhugann á Garnacho niður

Enzo Maresca, stjóri Chelsea, gerði frekar lítið úr fréttum af áhuga félagsins á Alejandro Garnacho, leikmanni Manchester United. Fullyrt hefur verið í enskum fjölmiðlum að Chelsea hafi rætt við umboðsmenn Garnacho.

Maresca segir að Chelsea þurfi ekki að styrkja sig á köntunum í janúarglugganum.

„Ég er ánægður með þá möguleika sem við höfum og þá leikmenn sem við erum með. Pedro Neto og Noni Madueke eru hægra megin og Jadon Sancho vinstra megin. Mykhailo Mudryk
er ekki með okkur sem stendur en við höfum Tyrique George (18 ára) sem er ungur leikmaður sem getur hjálpað okkur. Við erum í lagi þarna," sagði Maresca.