Jakob skoraði fyrir aðallið Lyngby

Hinn 18 ára gamli Jakob Gunnar Sigurðsson fékk að spreyta sig í æfingaleik með Lyngby í dag og skoraði sitt fyrsta mark fyrir félagið.

Lyngby mætti Mjällby frá Svíþjóð og skóp þægilegan þriggja marka sigur þar sem Jakob Gunnar skoraði þriðja og síðasta mark leiksins.

Jakob hefur verið að raða inn mörkum fyrir U19 lið Lyngby en hann er hjá félaginu á láni frá KR. Hann er með 10 mörk í 13 leikjum í U19 deildinni í Danmörku.