Spánn: Atlético fór illa að ráði sínu í Barcelona

Saul Niguez og Antoine Griezmann komu liðinu í 2-0 og í upphafi síðari hálfleiks bætti Yannick Carrasco við þriðja markinu.

Espanyol sem er í harðri fallbaráttu neitaði að gefast upp og var það Cesar Montes sem minnkaði muninn þegar tæpur hálftími var eftir. Tólf mínútum síðar fengu heimamenn víti sem Joselu skoraði úr og svo kom jöfnunarmarkið á 79. mínútu.

3-3 jafntefli niðurstaðan og Espanyol heldur áfram í vonina um að halda sér uppi. Liðið er í næst neðsta sæti með 35 stig, þremur stigum frá öruggu sæti. Atlético er á meðan í 3. sæti með 73 stig.

Getafe lagði þá Real Betis að velli, 1-0. Omar Alderete gerði sigurmarkið á 69. mínútu og það versnaði fyrir Betis því German Pezzella, varnarmaður liðsins, sá rautt tíu mínútum síðar. Betis er í 6. sæti með 56 stig en Getafe í 16. sæti með 38 stig.

Úrslit og markaskorarar:

Betis 0 - 1 Getafe
0-1 Omar Alderete ('69 )
Rautt spjald: German Pezzella, Betis ('78)

Espanyol 3 - 3 Atletico Madrid
0-1 Saul Niguez ('21 )
0-2 Antoine Griezmann ('44 )
0-3 Yannick Carrasco ('46 )
1-3 Cesar Montes ('64 )
2-3 Joselu ('76 , víti)
3-3 Vinicius De Souza Costa ('79 )