Bætti stoðsendingamet Gerrard og fékk heiðursskiptingu
Salah er á förum í sumar og hefur Curtis Jones verið sterklega orðaður við Inter.
Mynd: EPA
Salah er á förum í sumar og hefur Curtis Jones verið sterklega orðaður við Inter.
Mynd: EPA
Mohamed Salah var í byrjunarliði Liverpool í lokaumferð ensku úrvalsdeildarinnar í dag þrátt fyrir afar umdeild ummæli sem hann lét falla í síðustu viku.
TENGT EFNI
Salah skaut á Slot - „Vil sjá Liverpool fara aftur í þungarokksboltann“
Liverpool þurfti stig á heimavelli gegn Brentford til að tryggja sér Meistaradeildarsæti fyrir næstu leiktíð og reyndist Salah mikilvægur í leiknum sem er enn í gangi. Hann lagði upp fyrsta markið fyrir Curtis Jones og fékk svo heiðursskiptingu rúmum stundarfjórðungi síðar, á 74. mínútu.
Sjáðu heiðursskiptinguna.
Þetta var 93. stoðsending Salah í ensku úrvalsdeildinni og bætti hann þar með félagsmet Steven Gerrard, sem gaf 92 stoðsendingar.
Kevin Schade jafnaði metin fyrir Brentford og er staðan 1-1 þegar tíu mínútur eru eftir af venjulegum leiktíma.
Liverpool þurfti þetta stig aðeins ef Bournemouth tækist að vinna stórsigur á útivelli gegn Nottingham Forest, sem er ekki raunin. Staðan er 1-1 í Nottingham.
Liverpool er því svo gott sem öruggt með Meistaradeildarsætið sitt.
Salah var líka nálægt því að skora í fyrri hálfleik þegar skot hans fór í stöngina.
TENGT EFNI
„Myndi ekki hleypa Salah nálægt leikvangnum“
Mo Salah receives a guard of honour at his final match for Liverpool.
by
u/Sparky-moon in
soccer
