Lengjudeild kvenna: HK skoraði sjö í fyrri hálfleik

HK gjörsamlega valtaði yfir Tindastól er liðin áttust við í Lengjudeild kvenna í dag.

Cally Queen Togiai fór á kostum og skoraði þrennu á fyrstu 25 mínútum leiksins. Hún skoraði fyrsta markið á fimmtu mínútu og setti svo tvö mörk til viðbótar af vítapunktinum.

Alma Mathiesen skoraði tvennu og komust Karlotta Björk Andradóttir og Ísabel Rós Ragnarsdóttir einnig á blað fyrir leikhlé, svo staðan var orðin 7-0 í hálfleik. Hvorugt lið bætti marki við leikinn í síðari hálfleik.

Liðin áttust við í botnslag þar sem HK hefur byrjað tímabilið illa og er með 7 stig eftir 6 umferðir. Tindastóll er án stiga.