„Segðu mér að þú verðir haugafullur eins og ég í kvöld"

Jamie Carragher, goðsögn hjá Liverpool, var með Jordan Henderson, fyrirliða Liverpool, í viðtali í gengum fjarskiptabúnað í kvöld.

Carragher er sparkspekingur hjá Sky Sports og hann spurði Henderson hvort hann ætli sér ekki að verða haugafulur eins og Carragher ætlar sér sjálfur að vera í kvöld.

<i>„Jordan þú ert mikill atvinnumaður - en segðu mér að þú ætlir að verða haugafullur eins og ég í kvöld,"</i> sagði Carra.

Henderson tók ekki fyrir þann möguleika og hló að Carra sem var í stökustu vandræðum með að opna kampavínsflösku eins og sést hér að neðan.