Evrópubikarinn: FH úr leik eftir draumabyrjun

FH er dottið úr keppni í Evrópubikar kvenna eftir erfiða leiki við þýska félagið Eintracht Frankfurt.

Frankfurt vann fyrri viðureign liðanna í Hafnarfirði og mættu FH-stelpurnar grimmar til leiks í Þýskalandi og fengu dauðafæri strax í upphafi.

Boltinn rataði þó ekki í netið strax, en Nia Raisa sá um að skora fyrsta mark leiksins á tólftu mínútu eftir góðan undirbúning frá Ingibjörgu Magnúsdóttur á hægri kanti. Nia skallaði boltann í netið og tókst hvorugu liði að bæta marki við í fyrri hálfleik. Frankfurt hélt í boltann og sótti en tókst ekki að skapa góð færi gegn skipulögðum Hafnfirðingum.

Þær þýsku gerðu tvöfalda skiptingu í leikhlé og kom Larissa Mühlhaus inn af bekknum. Hún skoraði skömmu síðar þrátt fyrir að renna í skottilrauninni.

Laura Freigang skoraði svo eftir fyrirgjöf á 56. mínútu og bættu Hanna Bennison og Hayley Raso sitthvoru markinu við til að innsigla 4-1 sigur. Samanlagðar lokatölur 5-1 eftir tapið í Hafnarfirði.