Íslenski landsliðsmarkvörðurinn Rúnar Alex Rúnarsson stóð á milli stanganna í 1-1 jafntefli Leuven gegn Zulte Waregem í belgísku úrvalsdeildinni í kvöld.
Rúnar, sem er á láni frá Arsenal, er fastamaður í liði Leuven og hefur verið síðan í lok nóvember.
Hann varði fjögur færi í leiknum og var með bestu mönnum Leuven í kvöld. Leuven er með 27 stig í 13. sæti deildarinnar.
Þórir Jóhann Helgason kom þá inná sem varamaður er Lecce vann Vicenza, 2-1, í ítölsku B-deildinni.
Landsliðsmaðurinn byrjaði á bekknum en kom við sögu á 86. mínútu leiksins.
Lecce er á toppnum í B-deildinni með 40 stig, einu stigi meira en Hjörtur Hermannsson og félagar í Pisa.
Athugasemdir