Klopp eftir að Meistaradeildarvonin fór: Það er innistæða fyrir bjartsýni

Jurgen Klopp, stjóri Liverpool.

Mynd: Getty Images

Jurgen Klopp, stjóri Liverpool.

Mynd: Getty Images

Stuðningsmenn Liverpool geta tekið fimmtudagskvöldin frá næsta vetur eftir að ljóst var að liðið mun ekki taka þátt í Meistaradeild Evrópu á næsta tímabili. Liðið verður í Evrópudeildinni.

„Eftir jafnteflið gegn Aston Villa og ljóst var að Manchester United og Newcastle þurftu bara eitt stig þá vissi ég að við myndum ekki ná þessu. Ég er bjartsýnn að eðlisfari en þarna fann ég að þetta væri farið," segir Klopp.

„Þetta tímabil hefur ekki verið gott ef horft er á sögulegt samhengi. En síðan HM lauk þá hefur stigasöfnunin verið góð, þó allt hafi ekki verið fullkomið. Ef við hefðum safnað stigum svona yfir allt tímabilið værum við á góðum stað."

„Það er klárlega innistæða fyrir bjartsýni. Andrúmsloftið sem okkar stuðningsmenn sköpuðu í síðasta heimaleiknum, hvernig félagið kvaddi leikmennina sem eru á förum, allt þetta er grunnur að góðri framtíð."

Verður erfiðara að fá inn leikmenn í sumar í ljósi þess að liðið verður ekki í Meistaradeildinni?

„Ég held að það muni ekki hafa áhrif, en maður veit ekki. Það er möguleiki að áætlanir gangi ekki eftir, því betri sem leikmaðurinn er því minna langar félaginu hans að sleppa honum. Við erum búnir undir það."

Liverpool heimsækir Southampton í lokaumferð ensku úrvalsdeildarinnar á sunnudag.

„Ég man ekki hvenær við spiluðum síðast í lokaumferð og allt var ráðið. Venjulega er allt í húfi. En við viljum klára þetta með sigri, við spilum til sigurs," segir Klopp.

Premier league - karlar

#	Lið	L	mun	Stig
1	Arsenal	10	+10	27
2	Brighton	10	+19	22
3	Man City	10	+8	21
4	Liverpool	10	+4	18
5	Chelsea	10	+3	16
6	Everton	10	+2	16
7	Bournemouth	10	+2	15
8	Brentford	10	+5	14
9	Leeds	10	+2	14
10	Aston Villa	10	-3	13
11	Tottenham	10	-1	12
12	Newcastle	10	-3	12
13	Hull City	10	0	11
14	Ipswich Town	10	-5	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Man Utd	10	-5	8
19	Sunderland	10	-9	8
20	Crystal Palace	10	-14	7