3. deild: Stólarnir upp að hlið Víðis á toppnum

Tindastóll kom sér upp að hlið Víðis á toppi 2. deildar karla með 4-2 sigri á Sindra á Sauðárkróksvelli í gær.

Matheus Gotler kom Stólunum í tveggja marka forystu. Hann skoraði af vítapunktinum á 31. mínútu og bætti svo við öðru marki í upphafi síðari hálfleiks. Það var hans sjöunda mark í deildinni í sumar.

Jóhann Frans Ólason hleypti spennu í leikinn þegar hann minnkaði muninn fyrir Sindra á 62. mínútu en aðeins tveimur mínútum síðar kom Arnar Ólafsson heimamönnum aftur í tveggja marka forystu.

Marc Escriva gerði svo endanlega út um leikinn sex mínútum síðar.

Fredrick Delali minnkaði muninn fyrir Sindra á lokamínútunum en lengra komust gestirnir ekki. Stólarnir unnu sannfærandi sigur og eru nú með 22 stig í öðru sæti, jafnmörg stig og Víðir sem situr á toppnum með betri markatölu.

Sindri er áfram í næstneðsta sæti með átta stig.