5. deild: Tryggði sigurinn með tveimur vítum undir lokin

Stokkseyri er á toppnum í B-riðli 5. deildar eftir 4-2 sigur á Létti en Marteinn Maríus Marinósson skoraði tvö mörk fyrir gestina.

Þetta var fimmti sigur Stokkseyrar í deildinni en liðið er með 16 stig á toppnum eftir sjö leiki.

Ríkharður Henry Elíasson var hetja KB í 1-0 sigri á KM. Þetta var annar sigur KB, sem er í næstneðsta sæti riðilsins með sex stig. KM er í sætinu fyrir ofan með sjö stig.

Það var svo mikil dramatík þegar BF 108 vann ótrúlegan 3-2 endurkomusigur á RB.

RB var 2-1 yfir í hálfleik en Steinar Haraldsson kom inn á hjá BF 108 á 69. mínútu og reyndist hetjan. Hann skoraði tvívegis af vítapunktinum á lokamínútunum og tryggði BF 108 sigurinn.

BF 108 hefur nú unnið tvo leiki í röð og er komið upp í 3. sæti með 11 stig.

Úrslit og markaskorarar:

KM 0 - 1 KB
0-1 Ríkharður Henry Elíasson ('83 )

Léttir 2 - 4 Stokkseyri
0-1 Marteinn Maríus Marinósson ('13 )
0-2 Arilíus Óskarsson ('17 )
1-2 Atli Auttaphon Onsaikaew ('30 )
1-3 Marteinn Maríus Marinósson ('47 )
1-4 Hafþór Berg Ríkarðsson ('55 )
2-4 Kristófer Páll Lúðvíksson ('68 )

RB 2 - 3 BF 108
0-1 Elvar Páll Grönvold ('14 )
1-1 Mustafa Troncoso Espinar ('30 )
2-1 Dawid Migus ('44 )
2-2 Steinar Haraldsson ('86, víti )
2-3 Steinar Haraldsson ('90, víti )