Maður leiksins í umræddum leik var klárlega Róbert Örn Óskarsson sem er markvörður í liði umferðarinnar. Nýr varnarmaður Víkings, Marko Perkovic fær einnig pláss í liðinu. Flottur fyrsti leikur hjá honum!



Ármann Smári Björnsson skoraði annað mark ÍA sem heldur áfram að fara á kostum í Pepsi-deildinni. Liðið vann ÍBV 2-0. Ármann er á góðu skriði en hann er þriðju umferðina í röð í úrvalsliðinu. Skagamenn eiga annan fulltrúa, miðjumaðurinn Arnar Már Guðjónsson fær sæti.

Miðvarðapar Breiðabliks heldur áfram að vera frábært. Elfar Freyr Helgason var maður leiksins í 2-0 útisigri Blika gegn Víkingi Ólafsvík. Þá er Árni Vilhjálmsson í úrvalsliðinu aðra umferðina í röð en hann skoraði fyrra markið. Þá er Arnþór Ari Atlason einnig í liðinu með mark og stoðsendingu.

FH átti ekki í vandræðum með Þrótt. Íslandsmeistararnir unnu 2-0 en Þórarinn Ingi Valdimarsson var valinn maður leiksins. Jafntefli varð í viðureign Fjölnis og Vals. Kristinn Freyr Sigurðsson úr Val er í liðinu og Birnir Snær Ingason úr Fjölni en hann kom öflugur af bekknum og skoraði.

Hilmar Árni Halldórsson er sjóðheitur með Stjörnunni. Hann tók upp á því einn síns liðs nánast að snúa leiknum gegn Fylki við og skoraði bæði mörk Garðbæinga í 2-1 útisigri. Mörkin lagleg og komu bæði seint í leiknum.

Sjá einnig:
Úrvalslið 11. umferðar
Úrvalslið 10. umferðar
Úrvalslið 8. umferðar
Úrvalslið 7. umferðar
Úrvalslið 6. umferðar
Úrvalslið 5. umferðar
Úrvalslið 4. umferðar
Úrvalslið 3. umferðar
Úrvalslið 2. umferðar
Úrvalslið 1. umferðar