Svenni talar um blendnar tilfinningar í viðtalinu.
„Það eru svona blendnar tilfinningar. Maður hefði viljað þrjú stigin en úr því sem komið var þá er ég rosalega ánægður með eitt stig," sagði Sveinn Þór Steingrímsson, þjálfari Magna, eftir jafntefli gegn Grindavík í dag. Stigið er það fyrsta sem Magni fær í sumar.
Lestu um leikinn: Magni 3 - 3 Grindavík
„Þrautseigjan í þessu liði er frábær og ég er stoltur af leikmönnum. Við ræðum þetta mikið fyrir leiki að við ætlum alltaf að halda áfram út leikinn og það skein svolítið í gegn í dag."
Tveir varamenn skoruðu hjá Magna í dag. Tómas Veigar Eiríksson jafnaði í 2-2 og Rúnar Þór Brynjarsson í 3-3.
„Það er frábært. Frábært að fá framlag frá þeim og öllum."
Talsvert betra að fara í næsta leik með eitt stig heldur en núll stig?
„Já eins og ég segi þá á þetta klárlega eftir að gefa okkur smá sjálfstraust og byr undir báða vængi. Léttir aðeins á strákunum að vera komnir á blað," sagði Svenni að lokum.
Viðtalið í heild sinni má sjá hér að ofan.
Athugasemdir
